உங்கள் குழந்தையின் வளர்ச்சியை எவ்வாறு கண்காணிப்பீர்கள்?

வளர்ச்சி என்பது, உடல் அளவு அதிகரிப்பை குறிக்கிறது மற்றும் வளர்ச்சி என்பது ஒரு தனி மனிதனின் திறன்கள் மற்றும் செயல்பாடுகளில் முன்னேற்றத்தை குறிக்கிறது. இவை இரண்டும் இணைந்து, ஒரு தனிமனிதனின் உடல், அறிவு, உணர்ச்சி மற்றும் சமூக நலனை குறிக்கின்றன.

பிறப்பிலிருந்து ஐந்து வயது வரையான காலம், உருவாக்க காலம் என்றழைக்கப்படுகிறது. குழந்தைகளில் இந்த வயதுகளின்போது அடிப்படை மன மற்றும் உடல் வளர்ச்சி உண்டாகிறது. உலக சுகாதார அமைப்பின்படி, ஊட்டச்சத்து, சுகாதாரம் மற்றும் சுற்றுச்சூழல் ஆகியவை ஒரு குழந்தையின் வளர்ச்சியை நிர்ணயிப்பதில் முக்கிய பங்காற்றுகின்றன.

வளர்ச்சியை அளக்க உபயோகிக்கப்படும் அளவுருக்கள், கிலோ கிராமில் எடை, மீட்டர்களில் உயரம் மற்றும் தலை மற்றும் மார்பு சுற்றளவுகளில் உள்ளன. இந்தியாவில், குழந்தைகளின் வளர்ச்சியை கண்காணிக்க, குழந்தைகளுக்கான கீபிளி குழந்தைகள் வளர்ச்சி தரங்களை (2006) நாங்கள் உபயோகிக்கிறோம். குழந்தைகளில் குறைபாடுகள் உள்ளதா என்பதை கண்டுபிடிக்க, அவர்களின் வளர்ச்சியை கண்காணிப்பது தலையாய முக்கியத்துவம் வாய்ந்ததாகும்.

எடை

எடையில் உண்டாகும் ஒரு சில நூறு கிராம் மாற்றத்தையும் கூட பதிவு செய்ய முடியும் என்பதால், ஒரு குழந்தையில் வளர்ச்சியின் மிகவும் துல்லியமான அளவாக எடை அடையாளம் காணப்படுகிறது.

• இது உடல் பருமனை சுட்டிக் காட்டுகிறது.
• வயிற்றுப்போக்கு போன்ற குழந்தைப்பருவ நோய் பாதிப்பு காரணமாக ஊட்டச்சத்து நிலையில் உண்டாகும் சிறு மாற்றங்களினால் கூட எடையில் மாற்றங்கள் உண்டாகலாம்.
• விரைவான உடல் எடை இழப்பு, ஊட்டச்சத்துக் குறைவு உண்டாகும் அபாயத்தை குறிக்கிறது.

உயரம்

• மரபணுக்கள் மற்றும் சுற்றுச்சூழல் அம்சங்கள், ஒரு தனிமனிதரின் உயரத்தை நிர்ணயிப்பதில் பெரும் பங்கு வகிக்கின்றன.
• போதுமான அளவு உணவு எடுத்துக் கொள்ளாமை மற்றும் / அல்லது தொற்றுக்கள், குழந்தையின் வளர்ச்சியை ஆதரிக்கும் ஊட்டச்சத்து க்களில் குறைவை உண்டாக்கும். இதனால் குழந்தையின் வளர்ச்சி பாதிக்கப்படக் கூடும்.

வளர்ச்சியை கண்காணித்தல்

• இது உங்கள் குழந்தையின் வளர்ச்சியை கற்பனை செய்து பார்க்க உதவும் ஒரு வழக்கமான அளவீடாகும். இந்த விளக்கப்படம், உங்கள் குழந்தையின் வளர்ச்சி மற்றும் உயரத்தை கண்காணிக்க உங்களுக்கு உதவும்.
• கீபிளி-ன்படி (உலக சுகாதார அமைப்பு), சிறுமிகள் மற்றும் சிறுவர்களுக்கென தனித்தனி வளர்ச்சி விளக்கப்படங்கள் உள்ளன. கீழே கொடுக்கப்பட்ட அட்டவணைகளை கவனிக்கவும்.
• குழந்தை பருவத்தில், உங்கள் குழந்தை விரைவாக வளர்கிறது - அவன் /அவளின் உயரம் மற்றும் எடை தொடர்ந்து அதிகரிக்கிறது. எனவேதான், 3 வயது வரை மாதத்துக்கு ஒருமுறையும், அதன் பிறகு, குறைந்தது 3 மாதங்களுக்கு ஒருமுறையும் குழந்தையின் வளர்ச்சியை கண்காணிக்க வேண்டும்.
• ஒவ்வொரு முறை குழந்தையின் எடையை பார்க்கும்போதும், வளர்ச்சி விளக்கப்படத்தில் எடை குறித்து வைக்கப்படுகிறது மற்றும் அவ்வாறு குறிக்கப்பட்ட பாயிண்ட்டுகள் இணைக்கப்பட்டு உண்டாகும் ஒரு கோடு, வளர்ச்சி வளைவு எனப்படுகிறது. உங்கள் குழந்தையின் எடை தொடர்ந்து அதிகரித்தால், இந்த கோடு மேல்நோக்கிய திசையில் நகரும்.
• ஒருவேளை, வளர்ச்சி வளைவு மேல்நோக்கிய திசையில் நகராவிட்டால், உங்களின் மருத்துவரை கலந்தாலோசிக்கவும்.
• நினைவிருக்கட்டும், குழந்தையின் உயரம் மற்றும் எடை மட்டுமே அதன் வளர்ச்சியை சுட்டிக்காட்டுவதில்லை. அவன்/அவளின் மரபணுக்கள் மற்றும் இனம் ஆகியவையும் குழந்தையின் வளர்ச்சியில் முக்கிய பங்காற்றுகின்றன.

உங்கள் குழந்தையின் வளர்ச்சியை வீட்டிலேயே எளிதாக அளவிடலாம்.

• ஒரு உறுதியான, சீரான தரையில டிஜிடல் எடைக்கருவியை உபயோகிக்கவும்.
• ஷூக்கள் மற்றும் துணிகளை கழற்றி, குழந்தையை எடைக்கருவி யின் மத்தியில் வைக்கவும்.
• அருகிலுள்ள தசம பின்னத்துக்கு எடையை பதிய வைத்து, கீழே காட்டப்படுள்ள வளர்ச்சி விளக்கப்படத்தில் குறித்து வைக்கவும்.
• இரண்டு வயதுக்கும் அதிகமான குழந்தைகளின் உயரத்தை அளவுகோல் ஆந்த்ரோபோமீட்டரை உபயோகித்து அளக்கலாம். அளவுகோலுக்கு இணையாக நிற்க வைத்து, குழந்தையின் உயர்ந்தபட்ச உயரத்தை அளக்க முடியும்.